Lagu Nias Pilihanqu

Meföna Me Ide-idedo
Meföna me ide-idedo ilu’ido inagu
Itörö tödögu ninagu
Ba memöiga ba nowima aröu dana ma fasui
Itörö tödögu ninagu

Siawa ba hili salawa so nosema sinumana
Itörö tödögu ninagu
Ufaigi ufakhölödo u’ila nasi ba zaraöu
Itörö tödögu ninagu

Siawa ba hili salawa so nosema sinumana
Itörö tödögu ninagu
Ufaigi ufakhölödo u’ila nasi ba zaraöu
Itörö tödögu ninagu.

Akhigu Mburu Gee
No ara no ufaoze-faoze
Akhigu sotöi mburu gee
Ero na möi ba hari mbale
Lö aetu hörögu woleke
Waalösö na muhede
Lö khönia wamaoe-maoe

Ufahatödo ufahede
Uotana ia fakese
Uwaö khönia hadia fatehe
Namöido mamee fehede
Iwaö fatenge dalake
Na si oroi dödöu wee

No ufalala uforege
Ba no ufatenge dalake
Iwaö amada lö itehe
Me yao niha silo kefe
Lö itehe na tenga fagawe.

Opödö-pödö
Daelu-daelu mbotomö irai dödö
Fefu hörö mangebua melafaigiö
He tangau he aheu mangiwa dödö
Ha sambua li gu: opödö-pödö

Faalawa waafusi möi nifaanö
He bu mö he hörömö ho araidö-raidö
Amuatau fehedeu alulu dödö
Ha sambua li gu: opödö-pödö

Uwaö khöu menaö nösi dödö
Ataudo wö khigu ma mofönuö
Naufaema ba nangi ma lö ikhamö
Lö lala khögu khigu ba wangumaö

Maena fondrara dödö me ötutunö
No öoulini mangumaö mae balö molö
Me urasoi laluagu aoi kafutö
Ha sambua li gu: opödö-pödö.


Ha Ya'ugö
No ufabu’u ba dödögu
Wa lö tödögu khö niha bö’ö
He oya daha-taha simöi famatimba
No u’osambalö’ö dödögu

He ilau teu he ilau lökhö
He ilau mbade he duru danö
Lö sa’ae tödögu ba niha bö’ö
Ha ya'ugö khögu tuho dödö

Faduhu sibai bakha ba dödögu
Wa lö olifu’ö mbu’usa li mö
Ya lö tebulö-bulö wa'omasimö khögu
Simane fa'omasigu khömö
Ya lö tebulö-bulö wa’omasimö khögu
Simane fa’omasigu khömö

Meföna Me Ide-idedo
Meföna me ide-idedo ilu’ido inagu
Itörö tödögu ninagu
Ba memöiga ba nowima aröu dana ma fasui
Itörö tödögu ninagu

Siawa ba hili salawa so nosema sinumana
Itörö tödögu ninagu
Ufaigi ufakhölödo u’ila nasi ba zaraöu
Itörö tödögu ninagu

Siawa ba hili salawa so nosema sinumana
Itörö tödögu ninagu
Ufaigi ufakhölödo u’ila nasi ba zaraöu
Itörö tödögu ninagu.


Fitu Fakhe
Me öhalö angetula ha sambalö fabali
Öröido tuho dödö
Öwaö so niha bö’ö zi tebai fabali khöu
Me no moroi ba mböröta

Fitu fakhe no numalö me fabali ita
No taya ba dödögu
Lö udöna-döna öfuli ndra’ugö
Ba lö manö sa’ae ba dödögu

Ö’ondrasido ötutunö ngarö dödö
Öwaö faniasa
Faohahau dödö lö ösöndra ba mbö’ö
Sagötö fabali

He ö’andrö khögu öfuli ndraugö
Ba lö manö sa’ae ba dödögu

Dududuuuu… lö sa’ae ba dödö
Dududuuuu… böi angarö ba khögu


Satuagu No Mofanö
Me ba mböröta me ide-idedo
Uzofu-zofu heza so satuagu so ono ya’o
Utöröi danö faföfö luo wangalui ya’ugö he ama he ina
He zo manö ndraugö wa lö oroma’ö

Tokea dödögu me so zanguma’ö
Me la wa’ö khögu satuagu no mofanö iröi gulidanö
Ha wa’asöndru bakha dödögu me urongo duriamö he ama he ina
Ha wa öröi ndrao ba wa’abu dödö

Hana hana ndraodo hana wa’aurigu
Me lö sa’ae samaeri sanuturu lala
Hulö wofo mbanua lö tatu dugela
Haökhö manö utou’ö utunö ngaro dödö.

Fa’omasi Ninagu
Hadia ube sulö wa’omasiu nagu
Hadia hadia ube’e khöu
Fa’amarase sino ötaögö nagu
Wondrorogöu ono sawuyu,
Ötaögö lö mörö he manuköu nagu
Na örongo wege-egegu
Ölu’i ösakhe heza möi’ö nagu
Öfondri öfonukha öfaenu

Hiza me no ebua ndrao nagu
Oya gamuatagu zilö faudu
Lö u’o’ö hadia niwaömö khögu
Oroisa mö oi lö ba dödögu

Irugi inötö wofanögu nagu
Usawa nahia ni teheu khögu
Ba agandrö-ngandrö salahigu nagu
Enaö mofozu wongambatögu.

Bosi
No'ututuno khou ngaro dodo
fa'omasigu lo fa'awuwu
meha ya'ugo doto nafogu
tuho dodogu salua ba wangifigu
No'uwao no'ututuno memborota
wa ya'o numana lo satua
No'owao todou falo faniasa
nano a'ozu gohito dododa,
Reff
Fehedeu nakhi no'ube ba dodo
walofatimba khou ndra'o melo halowo
fa'anumana tosasa ba tataogo
darua ita tabu'a wo'omo
Hada'o sitobali taha-taha
me'iwao todou lofamatimba
ebua mbowo i'andro amada
boro mbosi hada silo taya

Bawa Si Siwa
Ba dalu mbawa si siwa me terongo turiau he amagu
Ba danö rato so nonomö me urongo turia waabu dödö
Heza ulaudo ama heza usawa ama
Heza utöröi danö wamaigi yaugö

Ha li gu zofeta yomo moroi ba nahia saröu si so yao
Khö ninagu fahuhuodo fee nia zawakhö-wakhö urongo:
Hewisa wolauda nogu iröi ita fefu
Fuliö onogu ae rara dödögu

Lö saae si faago bawa ita safuriata, ama
Hadia horogu sebua si no ufalua, ama
Heza ulaudo ama heza usawa ama
Heza utöröi danö wamaigi yaugö.


Haogö Angeragö
Alai na soroi ba dödömö
Wa’omasimö si no öfaehagö
Na’ufaigi na’uhaogo u’anehegö
Tenga sinangea ndrao möi tambalimö

Ha wa lö öhaogo angeraigö
Wa faniasa zalua khöu dania fanahigö
Me fa’aurigu motafali motoböbö
Ba wa’alumana fa’atosasa dödö

Ha wa lö khöu famakhölö
Wa lö öfaigi fasuimö
Hadia si’ai gohitömö khögu
Niha si lö halöwö

Hadia khi lö niha bö’ö
So mbaloi fa’omasimö
Si fakhili si fagölö
Khömö yaugö sitehengö.

Fawini Tödö
Tenga fa lö bakha ba dödö
Wehedeu khögu tuho dödö
Ya’ugö zanoto’ö böbö
Sinali wefaoda ba zilalö

Ba mböröta no fao dödö
Sara dundraha tatörö
Ha ba gafuriata öhole’ö
Fao’ö ba dundraha niha bö’ö

Hadia zalagu wa’ölau fawini tödö
Lö göi nilaugu safökhö
Ha ndrulu side-ide no mangiwa dödö
Hadia uwa’ö me so dödöu niha bö’ö.

Angetulamö
Afökhö na u’angeragö
Wefao-faoda ba zilalö
Öwa’ö no angetulamö
Alui ga’a sae niha bö’ö

Enaö na öwaö ba zilalö
Lö fanehe khö zatuamö
Lö simane lala no’utörö
Ba wobaloi angetulamö

Öröi zafökhö ba dödö
No öroi ndroi sokolingö
No amaedola zuzumö
Tebai tetuli afökhö

Akhigu akhi omasiö
Mofanödo ba toröi’ö
Me da’ö zomasi zatuamö.
Laua nakhi utaögö manö.


Hatö fe'e khögu
Ubali’ö fa’igi’igi
Na ba ni’ila niha
ubaliö fe’e ba ziha samösa

U’alui wondradödö
Misa ba danö saröu
Misa ba lala ba lala döröwagu
Asöndru dödö

Me talu mbongi mege’egedo
Ba lö usöndra wemörö
Ba manuköu ndra’odo
Ba sabudödö

Ha wa’afökhö wolaumö
Gakhiu ya’o, öröi manö
Misa ba lala ba lala döröwagu
Asöndru dödö

No so zu’a-zu’a danga,
Yawara hetawisa,
Me no sinehe
Me böröta wabalisada.

Umbu gögu idanö
Afökhö wo angeraigö
Wa aurigu sa sero ma’ökhö
Lö sanguma’ö he ha same idanö
Me ara ulau me’e manö

Satuagu itörö tödö
Ara meno laröi guli danö
Hezo usawa lö manö lala dödö
Talifusö no laerogö manö

Umbu gögu idanö
Heza manö göi so’ö
So’ö ba mbanua omasi’ö
Itörö tödögu nda’ugö

Ubuaö gahegu wofanö
Bawangalui soguna ma’ökhö
Heza usawa lö manö lala dödö
Da’utunö manö khögu zafökhö

Ohe ndra'o Humombo
No aröu-röu ba dödögu
Na u’ila wofo
Sihombo ba dalu mbanua
Hasara lala wofanö
Mangawuli badugela
Ba zilögöna teu
He göi angi sabölö

Ufatöfa ba mbotogu
Simanö enaö ndra’o
Na itehe tödö wafalukhada
Hasara lala wofanö
He wa’ae lala safökhö
Nitöröda ba wogamö
Nahia so hahau tödö

Ohe nda’o humombo
Ba nahia siso ya’ugö
He sanaere he sanösö
Da’u’ohe dangamö
U’andrö khöu böi röi ndra’odo